Marqum Sherzat Polattyń ákesiniń ústinen qylmystyq is qozǵaldy, dep habarlaıdy aqshamnews.kz.
Almaty oblysynyń Polısıa departamenti 10 jeltoqsan kúni ustalǵan Qarjaýbaı Nurymovtyń ústinen bótenniń múlkin qasaqana búldirý faktisi boıynsha qylmystyq is qozǵalǵanyn habarlady.
Polısıa málimetinshe, 10 jeltoqsanda Eńbekshiqazaq aýdanynyń Azat aýylynda bolǵan jerleý rásimi kezinde avtokólik ıesine materıaldyq zalal keltirilgen.
- Bul ákimshilik jaýapkershilik sheginen edáýir asyp, is-árekettiń qylmystyq saralanýyna ákep soǵady. Qazirgi ýaqytta oqıǵanyń barlyq mán-jaıdy anyqtaý maqsatynda jan-jaqty, tolyq jáne obektıvti tergeý júrgizilip jatyr, - dep habarlady departamentten.
Ol eki jylǵa deıin bas bostandyǵynan aıyrylýy múmkin.
Aıta ketetini, Qylmystyq kodekstiń 202-baby boıynsha qylmystyq is júrgizilgen jaǵdaıda aıyptalýshy:
- bes júzden eki myń AEK-ke deıingi mólsherde aıyppul tóleýge;
- ne sol mólsherde túzetý jumystaryna, ne úsh júzden alty júz saǵatqa deıingi merzimge qoǵamdyq jumystarǵa tartýǵa;
- ne eki jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.
Eske salaıyq, buǵan deıin sot sheshimimen Qarjaýbaı Nurymov 15 táýlikke qamalǵan bolatyn.