Memleket basshysy Klımattyń ózgerýi jónindegi BUU-nyń negizdemelik konvensıasy taraptarynyń 28-shi konferensıasy aıasynda Birikken Arab Ámirlikteriniń Investısıalar mınıstri, ADQ holdıńiniń basqarýshy dırektory Muhammed ál-Sýveıdımen kezdesti, dep habarlaıdy Almaty-akshamy.kz Aqordanyń resmı saıtyna silteme jasap.
Qasym-Jomart Toqaev pen Muhammed ál-Sýveıdı eki el arasyndaǵy ınvestısıalyq yntymaqtastyqtyń qarqyndy damýyna kóńilderi tolatynyn aıtyp, birlesken ınvestısıalyq jobalardy júzege asyrýǵa erekshe nazar aýdardy.
Memleket basshysy Konferensıa aıasynda Qazaqstan men ADQ jáne onyń enshiles kompanıalary arasynda qol qoıylǵan kelisimderdi joǵary baǵalady. Sondaı-aq ekijaqty baılanystardyń qazirgi dınamıkasyn saqtaýǵa daıyn ekenin málimdedi.
Kezdesý barysynda Qazaqstan Respýblıkasynyń aýmaǵynda jalpy qýaty 10 GVt bolatyn tómen kómirtekti energetıkany damytý jónindegi memorandýmǵa jáne qýaty 1 GVt bolatyn jel elektr stansıasynyń jobasy boıynsha Masdar kompanıasymen Úkimetaralyq kelisimge qol qoıýdyń mańyzdylyǵy atap ótildi.