Memleket basshysyna Almaty qalasynyń bıylǵy qańtar-mamyr aralyǵyndaǵy áleýmettik-ekonomıkalyq jaǵdaıy týraly esep berildi. Sondaı-aq qala ákimi ekonomıkanyń turaqty ósimin qamtamasyz etýge qatysty Prezıdent tapsyrmalarynyń oryndalý barysy jóninde baıandady dep habarlaıdy almaty-akshamy.kz
Onyń aıtýynsha, qysqa merzimdi ekonomıkalyq ındıkator 107,6 paıyzǵa deıin ósken, negizgi kapıtaldaǵy ınvestısıalardyń ósimi 20,9 paıyzdan asqan, saýda-sattyq qalpyna keltirilgen, jumys istep turǵan shaǵyn jáne orta bıznes sýbektileriniń sany 19,5 paıyzǵa artqan.
Qasym-Jomart Toqaevqa «Almaty qalasynyń 2025 jylǵa deıingi damý josparynyń negizgi basymdyqtary jáne 2030 jylǵa deıingi orta merzimdi perspektıvalar» jobasy usynyldy.
Memleket basshysyna Abaı dańǵylynyń ońtústiginde, taýly jáne taý bókterindegi aımaqtarda 9 qabattan bıik ǵımarattardyń qurylysyn júrgizýge tyıym salatyn jańa erejelerdiń qabyldanýy, sondaı-aq ınjenerlik ınfraqurylymdy jańartý jospary týraly málimet berildi.
Erbolat Dosaev mańyzdy áleýmettik máselelerdi sheshýge, onyń ishinde «Almaty jastary» baǵdarlamasy aıasynda jumys isteıtin jastarǵa turǵyn úı satyp alýǵa, medısınalyq-áleýmettik mekemelerde tamaqtandyrý sapasyn arttyrýǵa, sırek kezdesetin aýrýlardy tegin dári-dármekpen qamtamasyz etýge, balalarǵa arnalǵan sport seksıalary men shyǵarmashylyq úıirmelerin qarjylandyrýǵa qarajat bólingenin jetkizdi.
Kezdesý sońynda Prezıdent Almaty qalasyn odan ári damytý jáne turǵyndardyń turmys sapasyn arttyrý jóninde birqatar tapsyrma berdi.