Memleket basshysy Úshtóbe qalasynda ornalasqan Qaratal aýdany qorǵanys isteri jónindegi bóliminiń ǵımaratyn aralap kórdi, dep habarlaıdy aqshamnews.kz
1983 jyldan beri qoldanystaǵy nysan bıyl kúrdeli jóndeýden ótip, qazan aıynda atalǵan mekemege berilgen.
Qorǵanys mınıstri Rýslan Jaqsylyqov Qazaqstan Respýblıkasy Qarýly Kúshteriniń Joǵarǵy Bas Qolbasshysyna Smart-áskerı komısarıat jobasy týraly baıandady. Jańa bastamaǵa sáıkes azamattar avtomatty túrde áskerı esepke alynady.
Mınıstrdiń aıtýynsha, jyl saıyn 17 jastaǵy 160 myńnan asa jasóspirim avtomatty túrde áskerı esepke turǵyzylady. Sondaı-aq mınıstrlik jumyldyrý resýrstarynyń aqparattyq júıesin qurǵan. Sıfrlyq transformasıa Qazaqstandaǵy 16 men 60 jas aralyǵyndaǵy barlyq er azamatty qamtıdy. Bul jumys qaǵaz nusqada júrgizilgen kezde esepte 2,5 mıllıon azamat bolǵan. Al sıfrlyq formatqa kóshkennen keıin olardyń sany 6,8 mıllıonǵa jetken.
Budan bólek, IT salasy boıynsha bilimi bar sarbazdar «Halyq únine qulaq asatyn memleket» qaǵıdatyna sáıkes Armiakz aqparattyq qyzmetin jasap shyqqan. Atalǵan joba tárbıe jáne ıdeologıalyq jumystardy uıymdastyrý maqsatynda jasandy ıntellekt arqyly ázirlengen. Ata-analarmen keri baılanysqa yńǵaıly bul qyzmettiń mobıldi nusqasy da bar.
