«Astana – Býrabaı shıpajaıy» baǵyty boıynsha elektr poıyzy seısenbi men sársenbi kúnderden basqa kúnderi qatynaıdy, dep habarlaıdy aqshamnews.kz «Jolaýshylar tasymaly» AQ baspasóz qyzmetine silteme jasap.
Elektropoıyzdyń júris ýaqyty 2 saǵat 26 mınýt bolady. Baspasóz qyzmeti málimdegendeı, baǵytta aralyq aıaldamalar bolmaıdy.
«Elektropoıyz 574 jolaýshyny qabyldaı alady. Jańa elektr poıyzynyń yńǵaıly oryndyqtary Comfort Plus klasynyń eýropalyq standarttaryna sáıkes jasalǵan. Sonymen qatar, elektr poıyzy mıkroklımat júıesimen, jyldam zarádtaýǵa arnalǵan USB uıashyqtarymen, oıyn-saýyq kontentine qol jetkizýge arnalǵan Wi-Fi jáne velosıpedterdi ornalastyrý úshin arnaıy bekitý oryndarymen jabdyqtalǵan», — delingen habarlamada.