Medısına qyzmetkerleri zańmen qorǵalady.
Bul týraly Memleket basshysy Qasym-Jomart Toqaev Parlament palatalarynyń birlesken otyrysynda aıtty, dep habarlaıdy Almaty-akshamy.kz
«Adam kapıtalyn damytýǵa qatysty taǵy bir másele – densaýlyq saqtaý júıesiniń tıimdi bolýy. Elimizdegi medısına ınfraqurylymyn jaqsartý qajet. Onyń jaı-kúıine qatysty túıtkilder az emes. Memleket sonyń bárin birtindep sheship jatyr. «Aýylda densaýlyq saqtaýdy jańǵyrtý» ulttyq jobasy aıasynda aýyl-aımaqta 600-den astam nysan salý josparlanǵan. Jumystyń bári ýaqtyly ári sapaly jasalýy kerek. Bul – óte mańyzdy. Barlyq jaýapkershilik ákimderge júkteledi», - dedi Prezıdent.
Sondaı-aq medısına qyzmetkerleriniń quqyǵyn qorǵaýǵa kóp kóńil bólý qajet. Olardyń áleýmettik jaǵdaıy da nazardan tys qalmaýy tıis. Osyǵan qatysty arnaıy zań jobasy Parlamentte bir jylǵa jýyq talqylandy. Bul qujatta, negizinen, dárigerlerdiń jaýapkershiligin saqtandyrý ǵana kózdelgen.
Prezıdenttiń aıtýynsha, osy rette medısına salasynyń bedelin arttyrýǵa qatysty depýtattar men mamandardyń naqty usynystary eskerilmegen. Medısına qyzmetkerleri zań arqyly qorǵalýy tıis. Parlament osy máseleni erekshe nazarǵa alǵany jón.