Qazaqstandyq, álemniń 412-raketkasy, 30 jastaǵy Denıs Evseev elordada Prezıdent kýbogy úshin ótip jatqan chellendjer týrnıriniń fınalyna joldama aldy, dep habarlaıdy Almaty-akshamy.kz.
Jarystyń 3-raketkasy bolyp tirkelgen qazaqstandyq tenısshi jartylaı fınalda reıtıńte 357-orynda turǵan 22 jastaǵy túrkıalyq Iankı Erelmen sheberlik baıqasty.
Birinshi partıada Denıs 3:1 esebimen alǵa ketkenimen, túrkıalyq sportshy tarazy basyn teńestirdi. Degenmen esep 4:4 bolǵan mezette Evseev taǵy bir breık jasap, setti aıaqtady – 6:4.
Ekinshi set barysynda qazaqstandyq sportshy eki ret breık jasap, esepti 5:2-ge jetkizdi. Biraq machqa dop bergende, núkte qoıa almady. Tek ekinshi múmkindigin paıdalana aldy – 6:4.
Saǵat jarymnan astam ýaqytqa sozylǵan básekede Evseev 4 eıs jasap, 10 breık-poınttyń tórteýin qur jibermedi. Qarsylasy 3 eıs, 2 breıkpen (5 breık-poınt) kózge tústi.
Osylaısha, qazaqstandyq sportshy Prezıdent kýbogy úshin dodada ekinshi ret fınalǵa joldama aldy.
Denıs Evseev bas júlde úshin reıtıńte 550-satydaǵy ózbekstandyq Hýmaıýn Sultanovpen talasady. Ol álemniń 570-raketkasy, reseılik Evgenıı Karlovskııdi ońaı utty – 6:3, 6:1.