Memleket basshysy Qasym-Jomart Toqaev Sybaılas jemqorlyqqa qarsy is-qımyl agenttiginiń tóraǵasy Asqat Jumaǵalıdy qabyldady, dep habarlaıdy Almaty-akshamy.kz Aqordaǵa silteme jasap habarlaıdy.
Prezıdentke elimizdegi jemqorlyqqa qarsy is-qımyl sharalary jóninde esep berildi. Atap aıtqanda, birinshi toqsanda 500-den astam jemqorlyq qylmys tirkelip, 400-den asa tulǵanyń jemqorlyq áreketi áshkerelendi. Onyń 53-i ártúrli deńgeıdegi basshylar.
Asqat Jumaǵalıdyń aıtýynsha, bıyl 23 qańtardan bastap shaǵyn jáne orta kásipkerlikti damytý jolyndaǵy ákimshilik kedergilerdi joıýǵa baǵyttalǵan «Bızneske jol» jobasy iske qosylǵan. Joba aıasynda shamamen 7 myń kásipker kómek alyp úlgerdi.
Budan bólek, Memleket basshysyna jemqorlyqqa jol bermeý úshin qabyldanyp jatqan aldyn alý jáne saqtandyrý sharalary jóninde málimet berildi. Osy rette bıyl Sybaılas jemqorlyqqa qarsy qyzmet sybaılas jemqorlyqqa ákep soqtyratyn qaterlerdi joıýǵa qatysty 769 usynym men usynys engizdi.
Prezıdent jemqorlyqqa ıtermeleıtin júıeli sebepter men jaǵdaılardy joıý asa mańyzdy ekenin atap ótti. Sonymen qatar Q.Toqaev joǵary laýazymdy tulǵalar arasyndaǵy sybaılas jemqorlyqty anyqtaýǵa jáne onyń jolyn kesýge basa mán berýdi tapsyrdy.