Prezıdent Qasym-Jomart Toqaev Joǵarǵy Sot tóraǵasy Aslambek Merǵalıevti qabyldady, dep habarlaıdy Almaty-akshamy.kz.
Aslambek Merǵalıev elimizdegi sot júıesin jańǵyrtý jumystarynyń barysyn tanystyrdy; sot pen sýdıalardyń táýelsizdigin qamtamasyz etý, sýdıalar korpýsyn bilikti zańgerlermen nyǵaıtý, sondaı-aq sot úderisinde azamattar men bızneske beriletin kepildikti kúsheıtý mindetteriniń oryndalýy jóninde aıtty. Sot qyzmetin analıtıkalyq turǵyda kúsheıtý, oblystyq sot tóraǵalarynyń jaýapkershiligin arttyrý úshin qabyldanyp jatqan sharalar jóninde málimet berdi.
Qasym-Jomart Toqaev sot júıesindegi reformalardy sapaly júzege asyrý jáne qoǵamnyń sottarǵa degen senimin arttyrý, sondaı-aq azamattardyń quqyǵyn qorǵaýdy kúsheıtý jumystaryn jalǵastyrý mańyzdy ekenine nazar aýdardy.