Jınalys Almaty qalasy mektepteriniń 1-11 synyp oqýshylarynyń ata-analaryna arnalǵan.
Jınalysqa 5000-nan asa ata-ana qatysty. Spıkerler «Balalardyń jazǵy demalysy-densaýlyq pen alǵan áserdiń kepili» jazǵy saýyqtyrý jáne eńbekpen qamtý tujyrymdamasyn iske asyrý sheńberinde oı qozǵap, jasóspirimder arasyndaǵy ózekti máselelerdi kóterdi, dep habarlaıdy Almaty-akshamy.kz.
Balalar jaraqatynyń aldyn alý boıynsha Almaty qalasy prokýrorynyń balalar quqyǵyn qorǵaý jónindegi kómekshisi Djanbekova Gúlnara Hamıtqyzy, ata-analarǵa balalardyń terezeden jıi qulaýy, sý qoımalarynda ruqsat joq jerlerde balalarmen shomylýǵa barmaýǵa, demalys kezinde balalardy qaraýsyz qaldyrmaý kerekigin aıtyp ketti.
Almaty qalasy DP JKP erekshe tapsyrmalar jónindegi aǵa ınspektory, polısıa podpolkovnıgi Myrzahanov Dáýren Bazarhanuly - balalardyń jol-kólik jaraqattanýynyń aldyn alý, sondaı - aq balalarda Almaty qalasynyń kósheleri men joldarynda qaýipsiz júris-turys daǵdylary týraly erejelermen tanystyryp, qaýipsiz sharalarmen tanystyrdy.
Almaty qalasy JPQD DP ıývenaldy polısıa bóliminiń bastyǵy Shonjanova Janna Tursynhanqyzy - Kámeletke tolmaǵandar arasyndaǵy quqyq buzýshylyqtyń kóbeıip bara jatqanyn, otbasynda balalarǵa kóbirek ýaqyt bólip, quqyqbuzýshylyqtyń aldyn alý boıynsha túsindirip ketti.
Almaty qalasy boıynsha «Narkostop» jobasynyń ókili Nurseıitova Janara Beksultanqyzy - Jastar arasynda sıntetıkalyq esirtkini tutynýdyń qaýiptiligin aıtty.
«Senimen bolashaq» respýblıkalyq qoǵamdyq birlestiginiń ókili Kúnbolatova Qýanysh Qýatqyzy - Bilim berý ortasynyń psıhologıalyq qaýipsizdigi boıynsha oı qozǵady.
Almaty qalasy qalalyq mobıldilik basqarmasynyń ókili, Jet Sharing kompanıasynyń dırektory Rahımgalıev Talǵat - Mektep jasyndaǵy balalardyń elektr samokattardyń paıdalanýǵa tyıym salý týraly aıtty.
Ata-analarǵa balalardyń keńistiktegi qaýipsizdigin qamtamasyz etý, saqtyq sharalaryn aıta otyryp, máselelerdi aıqyndap, aldyn alý joldary men taratpalar usyndy. Sonmen qatar jasóspirimder psıhologıasy, balaǵa tárbıe berýde tózimdilikpen, sabyrmen, senimmen, sonymen qatar súıispenshilikpen jáne durys tárbıe berýdiń mańyzy zor ekeni atap aıtyldy.
Ata-analar jınalys sońynda spıkerlerge ózderin mazalap júrgen máseleler boıynsha suraqtaryn qoıyp, tıisti jaýap alyp, aldaǵy ýaqytta osyndaı jınalystar kóbirek ótkizilse degen usynystaryn aıtyp, alǵystaryn bildirdi.
