Qasym-Jomart Toqaev bokstan WBO tujyrymy boıynsha álem chempıony atanǵan Jánibek Álimhanulyn quttyqtady.
Memleket basshysy álemdik deńgeıde sharshy alań sheberi atanǵan boksshylarymyz az emes ekenin, Qazaqstan boks mektebiniń abyroıyn asqaqtatýǵa Jánibek Álimhanulynyń da zor úles qosyp kele jatqanyn atap ótti, dep habarlaıdy Almaty-akshamy.kz QazAqparatqa silteme jasap.
«Qajyrly eńbegińiz ben muqalmas erik-jigerińizdiń arqasynda qazaqtyń boks stıliniń ústemdigin taǵy bir ret pash ettińiz. Bul aıtýly jetistigińiz jas órenderimizdiń sportqa, ásirese boksqa degen qyzyǵýshylyǵyn arttyratyny sózsiz. Úlken sporttaǵy ár qadamyńyz – olar úshin úlgi-ónege. Sizge zor densaýlyq, otbasyńyzǵa amandyq, sportta tolaǵaı tabystar tileımin!» – dep jazylǵan Memleket basshysynyń quttyqtaý jedelhatynda.
Eske sala keteıik, búgin Jánibek Álimhanuly orta salmaqta WBO-dyń tolyqqandy álem chempıony atanǵan edi.
Dúnıejúzilik boks uıymy (WBO) resmı qaýly shyǵardy, onda qazaqstandyq boksshy Jánibek Álimhanulyn orta salmaqtaǵy WBO-dyń tolyqqandy álem chempıony dep jarıalanǵan.