Jańa oqý jyly barysynda ustazdardyń revaksınasıadan ótýi jalǵasady.
Bul týraly Oqý-aǵartý birinshi vıse-mınıstri Sholpan Karınova aıtty, dep habarlaıdy Almaty-akshamy.kz QazAqparatqa silteme jasap.
«Pedagogterdi jumysqa qabyldaýdyń jańa erejesi bıyl bekitildi. Qazir muǵalimder osy ereje boıynsha konkýrstyq negizde jumysqa qabyldanyp jatyr. Negizgi qoıylatyn talaptar - muǵalimniń bilim, eńbek ótili, ulttyq biliktilik testileý nátıjesi jáne biliktilik sanaty, kásibı jetistikteri bolady», - dedi ol Ortalyq komýnıkasıalar qyzmetindegi baspasóz máslıhatynda.
Spıkerdiń atap ótýinshe, mektep dırektorlaryn rotasıalaý jalǵasyp jatyr.
2022 jyly 1 200-den astam dırektor rotasıalaýǵa sáıkes keledi. Búginde onyń 400-den astamy rotasıadan ótti.
«Jańa oqý jylynda muǵalimderdiń revaksınasıadan ótýi jalǵasady. Búginde muǵalimderdiń 80 paıyzy qaıta vaksına aldy», - dedi Sholpan Karınova.