Jeliler men qýattardyń tozý kórsetkishin keminde 15%-ǵa deıin tómendetý kerek
Memleket basshysy Qasym-Jomart Toqaev Qazaqstan halqyna Joldaýynda tarıfterdi qoldan tejeýdiń ornyna jańa tarıftik saıasat engizýdi usyndy, dep habarlaıdy Almaty-akshamy.kz.
«Elimizde elektrmen jabdyqtaý jelisiniń úshten biriniń, jylý komýnıkasıasynyń 57%-ynyń jáne sý qubyry jelisiniń jartysyna jýyǵynyń tozyǵy jetken. Bul sandardyń ózi-aq naqty ahýaldy kórsetip tur», - degen Prezıdent tarıfterdi qoldan tejeý aýyq-aýyq irkilisterge, avarıalarǵa soqtyryp, sonyń kesirinen azamattardyń ómiri men densaýlyǵyna qaýip týýy múmkin ekenin eske saldy.
«Monopolıaly naryqtarda «Investısıanyń ornyna tarıf» atty jańa tarıftik saıasatqa kóshý qajet. Jeliler men qýattardyń tozý kórsetkishin keminde 15%-ǵa deıin tómendetý kerek», - dedi Memleket basshysy.