Qasym-Jomart Toqaev jańa 2 zańǵa qol qoıdy, - dep habarlaıdy Aqshamnews.kz tilshisi.
"Memleket basshysy "Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq, kásipkerlik jáne eksporttyq-kredıttik agenttiktiń qyzmeti máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy", - delingen habarlamada.
Zań Jer, Kásipkerlik, Azamattyq prosestik, Áleýmettik jáne Sý kodeksterine, sondaı-aq 23 zańǵa túzetýler engizdi.
Túzetýlerdiń birinshi blogy kóppáterli turǵyn úılerdi basqarý júıesin jetildirýge baǵyttalǵan.
Zań kóppáterli turǵyn úılerdi basqarýdyń jaı seriktestik nysanyn joıyp, basqarýdyń eki túrin ǵana saqtady: MIB (menshik ıeleri birlestigi) jáne TBB (tikeleı birlesip basqarý).
Túzetýlerdiń ekinshi blogy salyq zańnamasyna engizilgen ózgeristerge baılanysty.
Zań, sonymen qatar, deklarasıalaý máselelerinde quqyqtyq aıqyndyqty arttyrýǵa jáne Salyq kodeksiniń erejelerine silteme normalardy ózektendirýge baǵyttalǵan basqa da túzetýlerdi qamtydy.
Budan basqa, turǵyn úı-kommýnaldyq sharýashylyq máseleleri boıynsha zańǵa qol qoıyldy.
"Memleket basshysy "Qazaqstan Respýblıkasynyń Ákimshilik quqyq buzýshylyq týraly kodeksine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń Zańyna qol qoıdy", - delingen habarlamada.