Qasym-Jomart Toqaevtyń aıtýynsha, Izraıl Parlamenti spıkeriniń Qazaqstanǵa sapary qazaq-ızraıl qarym-qatynasyn nyǵaıtýǵa eki eldiń de beıil ekenin rastaıdy.
Memleket basshysy ekijaqty yntymaqtastyqtyń perspektıvasyn qarastyrý turǵysynan bul sapardyń máni zor dep sanaıdy. Kezdesýde saýda-ekonomıkalyq seriktestikke basa nazar aýdaryldy. Sonymen qatar sý resýrstary salasyndaǵy kooperasıa máselesi talqylandy, dep habarlaıdy aqshamnews.kz Aqordaǵa silteme jasap.
Qasym-Jomart Toqaev Izraılde jasalǵan ozyq tehnologıalarǵa joǵary baǵa berip, elimiz atalǵan baǵytta seriktestik ornatýǵa ázir ekenin rastady.
Amır Ohana qonaqjaılyq tanytqany úshin Qazaqstan Prezıdentine alǵys aıtty. Ol eki eldiń kópjosparly baılanystarynyń tabysty damyp, yqpaldastyqtyń jańa múmkindikterine jol ashyp kele jatqanyna toqtaldy.