Prezıdent Qasym-Jomart Toqaev Ulttyq bank tóraǵasy Ǵalymjan Pirmatovty qabyldady, dep habarlaıdy Almaty-akshamy.kz. Aqordaǵa silteme jasap.
Memleket basshysyna Ulttyq banktiń osy jyldyń birinshi toqsanyndaǵy aqsha-kredıt saıasatyn iske asyrý qorytyndysy týraly esep berildi.
Prezıdentke Qazaqstannyń ekonomıkasy men qarjy sektoryndaǵy ahýal, iskerlik belsendiliktiń jaqsarýy, depozıt naryǵynyń dınamıkasy, sondaı-aq BJZQ-nyń, Ulttyq qordyń aktıvteri men altyn-valúta rezervteriniń jaǵdaıy týraly baıandaldy.
Ǵalymjan Pirmatov aı saıynǵy jáne bazalyq ınflásıanyń tómendegenin jáne retteýshiniń buǵan deıin jasaǵan boljamdaryna sáıkes kelip otyrǵanyn jetkizdi. Sonymen qatar ınflásıa deńgeıi áli de joǵary kúıinde qalyp otyr. Bul qazirgi aqsha-kredıt sharttaryn saqtaýdy qajet etedi.
Memleket basshysyna jedel tólemder júıesiniń damýy jáne sıfrlyq teńgeni engizýge daıyndyq barysy týraly málimet berildi.
Kezdesý sońynda Qasym-Jomart Toqaev aqsha-kredıt saıasatyn tıimdi júzege asyrýǵa baǵyttalǵan birqatar tapsyrma berdi.