Memleket basshysy Qasym-Jomart Toqaev Úkimettiń keńeıtilgen keńesinde kásipkerlerge arnap «Áleýmettik lıft» tetiginiń úlgisindegi «Ekonomıkalyq lıft» uǵymyn engizýdi tapsyrdy, dep habarlaıdy Almaty-akshamy.kz.
«Áleýmettik lıft» degen uǵymnyń ne ekeni barshaǵa aıan. Bul – kez kelgen bastamashyl jáne eńbekqor adam mansap satysynda jáne qoǵamdyq ıerarhıada senimdi túrde alǵa jyljı alatyn júıe. Sol sıaqty, biz kásipkerlerge tıimdi jumys isteıtin «Ekonomıkalyq lıft» ornatýymyz kerek», - dedi Qasym-Jomart Toqaev.
Sondaı-aq, Prezıdent óńirlerde tabysty eńbek etip júrgen kásipkerlerge jol ashýdy tapsyrdy.
«Sondyqtan júıelik sharalardan basqa, aımaqtyq aýqymdaǵy eń tabysty jáne adal kásipkerlerdi ilgeriletý mańyzdy. Olar jańa, ádil ekonomıkany damytýdyń lokomotıvine aınalýy kerek», - dedi Memleket basshysy.
Aıta keteıik, Úkimet úıinde Prezıdenttiń tóraǵalyǵymen eldiń áleýmettik-ekonomıkalyq damý máseleleri jóninde keńes ótip jatyr.