Qytaı men Reseı elshileri Qasym-Jomart Toqaevtyń qabyldaýynda boldy.
Memleket basshysy Reseı Federasıasynyń elshisi Alekseı Borodavkınmen áńgimelesý barysynda Prezıdent Vladımır Pýtınniń Qazaqstanǵa aldaǵy saparynyń, sondaı-aq bıyl kúzde Qostanaıda ótetin XIX Óńiraralyq yntymaqtastyq forýmyn ótkizýdiń mańyzdylyǵyn atap ótti, dep habarlaıdy Almaty-akshamy.kz Aqordanyń resmı saıtyna silteme jasap.
Budan bólek, Qazaqstan men Reseı arasyndaǵy jan-jaqty strategıalyq seriktestiktiń qazirgi jaı-kúıi men perspektıvalary talqylandy.
Qytaı Halyq Respýblıkasynyń Qazaqstandaǵy elshisi Chjan Sáomen kezdesýde bıyl mamyr aıynda Sıan qalasynda ótetin «Ortalyq Azıa + Qytaı» samıtiniń jáne Prezıdent Qasym-Jomart Toqaevtyń QHR-ǵa josparlanǵan memlekettik saparynyń ózektiligi sóz boldy.
Sondaı-aq ekijaqty qatynastardy odan ári nyǵaıtý, ekonomıkalyq, ınvestısıalyq jáne mádenı-gýmanıtarlyq baılanystardy keńeıtý mańyzdy ekenine nazar aýdaryldy.
Memleket basshysy Qytaı Tóraǵasy Sı Szınpınniń Ýkraınaǵa qatysty jaǵdaıdy saıası turǵyda retteý jónindegi bitimgershilik áreketine joǵary baǵa berdi.