Memleket basshysy Memlekettik qyzmet isteri agenttiginiń tóraǵasyn qabyldady, dep habarlaıdy Almaty-akshamy.kz
Darhan Jazyqbaı:
Agenttiktiń byltyrǵy atqarǵan jumysynyń esebi men aldaǵy kezeńge arnalǵan josparyn tanystyrdy;
mansaptyq jáne pozısıalyq model elementterinen turatyn memlekettik qyzmettiń gıbrıdti modelin qalyptastyrý jumystary týraly baıandady;
ashyq memlekettik apparat qurý, atap aıtqanda, jeke sektordan bilikti mamandardy tartý jáne joǵary oqý oryndaryn úzdik bitirgen túlekterdi tómengi laýazymdarǵa konkýrs ótkizbeı-aq taǵaıyndaý sharalary jóninde málimet berdi;
e-Qyzmet júıesi boıynsha memlekettik qyzmetke irikteý jónindegi pılottyq jobanyń qorytyndysyn tanystyrdy. Sonyń nátıjesinde bos laýazymdarǵa ornalasý úshin konkýrsqa qatysýshylar sany 2,7 ese artqan:
bıyl e-Qyzmet irikteý júıesin barlyq memlekettik organǵa kezeń-kezeńimen engizý jumystary bastalǵan.
Agenttiktiń memlekettik qyzmet kórsetý sapasyn baqylaý jáne basqarý júıesin búrokratıadan aryltý salalaryna qatysty jumystary týraly aqparat berdi.
Prezıdent servıstik jáne adamdarǵa beıimdelgen memlekettik apparatty qalyptastyrý, memlekettik qyzmetshilerdiń kásibı biliktiligin arttyrý jáne memlekettik qyzmet júıesine zamanaýı tehnologıalardy engizý isin jalǵastyrýdy tapsyrdy.