Prezıdent Qasym-Jomart Toqaev Batys elderi jarıalaǵan sanksıalardyń saqtalýyna qatysty pikir bildirdi, dep habarlaıdy Almaty-akshamy.kz Aqordaǵa silteme jasap.
«Biz, eń aldymen, DSU erejeleri men normalaryn basshylyqqa alamyz. Sondaı-aq halyqaralyq naryqta qabyldanǵan barlyq erejeni saqtaımyz. Al eki maqsatta qoldanylatyn taýarlardyń Reseıge eksporty týraly aıtar bolsaq, bul múldem shyndyqqa janaspaıdy. Óıtkeni, jańa ǵana aıtqanymdaı, biz DSU erejesin jáne Eýropalyq Odaq jarıalaǵan barlyq sanksıa talaptaryn saqtaımyz. Áıtse de, Reseımen saýda-sattyq jasaımyz. Byltyr eki el arasyndaǵy taýar aınalymynyń kólemi 28 mıllıard dollarǵa jetti. Bul qoldanystaǵy halyqaralyq standarttarǵa tolyq saı keledi», -dedi Prezıdent.