2023 jyldyń 10 maýsymynda QR UQK Shekara akademıasyn 30-ǵa jýyq sheteldik kýrsant bitirdi.
Oqýlaryn oıdaǵydaı aıaqtaǵan shekarashy kýrsanttar endi óz elderine attanady, dep habarlaıdy Almaty-akshamy.kz.
Tájikstan jáne Qyrǵyz Respýblıkasynan kelgen bul kýrsanttar Shekara akademıasynda tórt jyl boıy oqyp, Shekara qyzmetiniń qyr-syryna qanyqty. Endi ózderine júktelgen jaýapty mindetti abyroıly atqaryp qyzmetterin ári qaraı jalǵastyrmaq.
Polkovnık Z.Ambarsýmıan jetekshilik etetin 5-oqý dıvızıony 4-kýrs kýrsanttarynyń qýanyshynda shek joq. Qazaqstanda bilim alyp, shekarashy ofıser atanyp otyrǵan baýyrlas eldiń kýrsanttary Akademıa aldyna jınalyp, bir syzyqtyń boıyna sap túzedi.
Aıta ketý kerek, bıylǵy bitirip otyrǵan kýrsanttardyń arasynan úzdik dıplom aıyr qalpaqty aǵaıyndarǵa buıyrdy. Ol - qyrǵyzstandyq kýrsant Jýnýsbekov Abaı Baǵybaevıch.
Saltanatty shara bastalmas buryn bizdiń jáne dostastyq elderdiń Memlekettik ánurany oryndaldy. Óz kezeginde alǵash bolyp sóz alǵan
«Qurmetti túlekter, qurmetti qonaqtar! Búgin biz Shekara akademıasynyń ómirinde taǵy bir mańyzdy oqıǵanyń kýásine aınalyp otyrmyz. Akademıa jyldaǵy qalyptasqan dástúrinen aınymaı Tájikstan Respýblıkasy men Qyrǵyz Respýblıkasynyń dostastyq elder úshin jas ofıser kadrlaryn tórt jyl boıy oqytyp, shyǵaryp salý rásimin ótkizip otyr. Mundaǵy ár túlek úshin búl kún erekshe mańyzdy. Akademıa qabyrǵasynda alǵan bilimderińiz ben tájirıbelik daǵdylaryńyz sizge óz elderińizdiń memlekettik shekarasyn qorǵaýǵa kómetesedi dep senemin. Ol úshin siz óz elińizdiń ıgiligi úshin talmaı qyzmet atqarýǵa tıissiz. Sizde zamanaýı bilim men keremet áskerı daıyndyq bar. Osy aıtýly sátti paıdalana otyryp, Akademıanyń profesorlyq-oqytýshylar quramyna dostas elder úshin jas ofıserlerdi oqytqany jáne tárbıelegeni úshin alǵysymdy bildirgim keledi. Siz ózińizdiń bilimińizben jáne jetistikterińizben ofıserlik ataqqa syn keltirmeı joǵary ustaıtyndyǵyńyzǵa senimdimin. Qurmetti túlekter! Shekara akademıasynyń qolbasshylyǵy men barlyq jeke quramynyń atynan Sizderdi oqýdy sátti aıaqtap «leıtenant» áskerı ataǵyn alýyńyzben quttyqtaımyn », - dedi Akademıa bastyǵy polkovnık P.Polıvanov.
Sodan keıin ata-analar men kýrsanttar ortaǵa shyǵyp júrek jardy jyly lebizderin bildirip, Akademıa ujymyna alǵysyn bildirdi.