Memleket basshysy keń kólemdegi suhbatynda nesıege belsheden batqan buqaranyń bazynasyna da toqtaldy, dep habarlaıdy Almaty-akshamy.kz.
Bul másele jurttyń áleýmettik jaǵdaıyna jáne elimizdegi qarjy júıesiniń turaqtylyǵyna tikeleı áser etedi – dedi ol. Prezıdent, birinshiden, halyqtyń qarjylyq saýatyn arttyrý, ekinshiden, tutyný nesıesin berý tártibi men kolektorlyq uıymdar qyzmetin qatań retteý keregin aıtty.
Boryshkerler quqyǵyn qorǵaý úshin nesıe berý týraly zańnamaǵa engiziletin túzetýler ázirlendi. Bul ózgerister bankterge, mıkrokredıt uıymdaryna jáne kolektor agenttikterine talapty odan ári kúsheıte túsedi.
«Bank ombýdsmeniniń ókilettigi de keńeıtiledi. Qazir bul qujatty Májilis depýtattary qarap jatyr. Men bul bastamany qoldaýǵa daıynmyn», – dedi prezıdent.