Japonıanyń ortalyǵynda bolyp jatqan zilzala qurbandarynyń sany 65 adamǵa jetti.
Oǵan óńirlik bılik ókilderi jarıalaǵan derekter dálel bolyp otyr., dep habarlaıdy almaty-akshamy.kz TASS-qa silteme jasap.
100-den astam adam túrli jaraqat alǵan.
Qaza tapqandar men jaralanǵandardyń kóbi –toqtamaı jatqan jer silkinisi ortalyǵyna aınalǵan Isıkava prefektýrasy turǵyndary.
Ondaǵan zilzala saldarynan órt tutanyp, 200-den astam turǵyn úı kúlge aınaldy, 100-den astam nysandy jerasty dúmpýi qıratty.
Qutqarýshylar, jedel qyzmet ókilderi men eldiń Qorǵanys kúshi áskeri úıindilerdi jınap, adamdardy izdep jatyr.
Búgin tańnan beri zardap shekken aýdandarda jańbyr toqtamaı tur.
Jýrnalıserge Japonıa mınıstrler kabınetiniń bas hatshysy Ósımasa Haıasıdiń habarlaýynsha, qazirgi ýaqytta evakýasıalyq ortalyqtarda 32,5 myńǵa jýyq adam bar.
Jer silkinisi bastalǵannan keıingi birinshi kúnderi Japonıanyń ortalyq jáne batystaǵy bóliginiń 60 myńnan astam turǵyny úıin tastap ketýge májbúr boldy.
33 myńnan astam úı jaryqsyz otyr, zardap shekken aýdandarda ınternet pen mobıldi baılanys nasharlaǵan. Keı aýyldarda sýmen jabdyqtaý máseleleri týyndady.