Qasym-Jomart Toqaevqa bıylǵy Joldaýdy júzege asyrý sharalary týraly baıandaldy.
Premer-Mınıstr Qazaqstan Prezıdentiniń Joldaýyndaǵy barlyq baǵytty júzege asyrý úshin 7 qyrkúıekke deıin Jalpyulttyq jospar ázirlenip, Memleket basshysyna bekitýge engiziletinin jetkizdi, dep habarlaıdy Almaty-akshamy.kz
Atalǵan jospar ekonomıkanyń ornyqtylyǵy men básekege qabilettiligin qamtamasyz etýge baǵyttalǵan sharalardy, azamattardyń ál-aýqatyn jaqsartýdy, densaýlyq saqtaý júıesi men bilim berý sapasynyń tıimdiligin arttyrýdy jáne aımaqtyq saıasatty jetildirýdi qamtıdy.
Asqar Mamın elimizdegi sanıtarlyq-epıdemıologıalyq ahýaldyń jaqsaryp kele jatqanyn málimdedi. Onyń aıtýynsha, sońǵy eki aptanyń ishinde vırýstyń taralý ındeksi 1-den asqan joq, búgingi kórsetkish 0,87 bolyp tur. Juqpaly aýrýlar jáne jansaqtaý bólimderindegi naýqastar sany 40 paıyzǵa azaıǵan. Qazirgi ýaqytta 6,7 mıllıon adam vaksınanyń birinshi komponentin qabyldasa, 5,5 mıllıon azamat ekpeni tolyq alǵan.
Sonymen qatar Qasym-Jomart Toqaevqa ımportqa táýeldilikti tómendetýge jáne áleýmettik mańyzy bar azyq-túlik taýarlary baǵasynyń qubylýyna jol bermeýge qatysty aldaǵy ýaqytta atqarylatyn jumystar jóninde, egin jınaý naýqanynyń barysy men elimizdegi ekonomıkalyq damýdyń basqa da ózekti máseleleri týraly aıtyldy.
Kezdesý sońynda Prezıdent Premer-Mınıstrge Joldaýdy tolyq júzege asyrýǵa baǵyttalǵan birqatar naqty tapsyrma berdi. Memleket basshysy elimizdegi áleýmettik-ekonomıkalyq jaǵdaıdy túbegeıli jaqsartý úshin Úkimet pen aımaq ákimderiniń úılesimdi ári tıimdi jumysy asa mańyzdy ekenin atap ótti.