Almatydaǵy ekologıalyq jaǵdaıdy jaqsartýdaǵy basty máseleniń biri - JEO-2 men JEO-3-ti gazǵa kóshirý.
Almaty ákimi Baqytjan Saǵyntaev Memleket basshysynyń joldaýyn júzege asyrýǵa arnalǵan qala aktıviniń otyrysynda strategıalyq mańyzdy ınfraqurylymdyq jobalardy iske asyrý týraly aıtty, dep habarlaıdy Almaty-akshamy.kz
Megapolıste 2020-2024 jyldarǵa arnalǵan «Jańa Almaty» keshendi damý josparyn iske asyrý jalǵasýda. Jyl saıyn shamamen 200 mlrd teńge kóleminde qajylandyrylýda. Josparǵa qala shetindegi kólik, bıznes, áleýmettik ınfraqurylymdy jaqsartý boıynsha 286 joba kiredi.
Memleket basshysy óz Joldaýynda ekologıalyq máselelerdi sheshý qajettigin atap ótti. Baqytjan Saǵyntaevtyń aıtýynsha, sońǵy 11 jylda jyljymaly kózderden shyǵatyn zalaldy zattar aıtarlyqtaı tómendedi – 128 myńnan 70 myń tonnaǵa deıin jáne jeke sektordan 16 myńnan 1 myń tonnaǵa deıin.
Almatydaǵy ekologıalyq jaǵdaıdy jaqsartýdaǵy basty máseleniń biri - JEO-2 men JEO-3-ti gazǵa kóshirý. Sonyń arqasynda zalaldy qaldyqtar 7,5 esege – jylyna 50 myńnan 6,7 myń tonnaǵa deıin tómendeıtyn bolady.
Aýanyń lastanýyn boldyrmaý, eń aldymen kólikterden shyǵatyn zalaldy zattardy azaıtý úshin qalanyń kire beristerine 12 ekologıalyq post ornatyldy, onyń 9-y turaqty jumys isteıdi. Sondaı-aq, úsh mobıldi post pen jyljymaly ekologıalyq zerthana satyp alynady.
Qalany kógaldandyrý boıynsha aýqymdy jumystar júrgizilýde. «Jasyl Almaty» baǵdarlamasy boıynsha qazirdiń ózinde 480 myńnan astam aǵash otyrǵyzyldy. Bıyl 350 myń aǵash otyrǵyzý josparlanýda. Jalpy, 2022 jyldyń sońyna deıin 1 mıllıon aǵash otyrǵyzý josparlanýda.