Merzimdi qyzmetke 18-27 jas aralyǵyndaǵylar shaqyrylady.
Memleket basshysy Qasym-Jomart Toqaev áskerı qyzmetshilerdi zapasqa shyǵarý jáne merzimdi áskerı qyzmetke kezekti shaqyrý týraly Jarlyqqa qol qoıdy, dep habarlaıdy Almaty-akshamy.kz Aqordaǵa silteme jasap.
Qujatqa sáıkes, 2023 jyldyń naýryz-maýsymynda jáne qyrkúıek-jeltoqsanynda áskerı qyzmettiń belgilengen merzimin ótkergen áskerı qyzmetshiler zapasqa shyǵarylady.
Dál sol kezde Qazaqstannyń Qarýly Kúshteri, ishki ister mınıstrligi, tótenshe jaǵdaılar mınıstrligi, ulttyq qaýipsizdik komıteti men memlekettik kúzet qyzmetine áskerge shaqyrýdy keıinge qaldyrýǵa nemese odan bosatylýǵa quqyǵy joq er adamdar shaqyrylady. Merzimdi áskerı qyzmetke shaqyrylatyndardyń jasy - 18-27 aralyǵynda.
"Jergilikti atqarýshy organdar tıisti jergilikti áskerı basqarý organdary arqyly 2023 jyldyń naýryz-maýsymynda jáne qyrkúıek-jeltoqsanynda azamattardy merzimdi áskerı qyzmetke shaqyrýdy júrgizýdi uıymdastyrsyn jáne qamtamasyz etsin", - delingen jarlyqta.