Almatyda «Meniń otbasymnyń tarıhy arhıv qujattarynda» baıqaýynyń jeńimpazdary marapattaldy.
Bıyl 1998 jylǵy 22 jeltoqsanda qabyldanǵan QR «Ulttyq arhıv qory jáne arhıvter týraly» zańynyń qoldanysqa engenine 25 jyl tolyp otyr.
Atalmysh zańnyń qabyldanýy elimizdegi arhıv salasynyń jumysyn júıelendirip, bir arnaǵa toǵystyrdy, normatıvtik-quqyqtyq bazany qalyptastyrdy. QR Prezıdentiniń Arhıvi Zańnyń mártebesin nasıhattaý maqsatynda «Tarıhı qujat – urpaqqa amanat» arhıvtik marafonyn uıymdastyrdy.
Marafon aıasynda QR Prezıdenti Arhıvi Almaty qalasy bilim basqarmasynyń qoldaýymen «Meniń otbasymnyń tarıhy arhıv qujattarynda» mekteptik oqý-zertteý jumystarynyń konkýrsyn ótkizdi.
Baıqaý bıyl ekinshi ret uıymdastyrylyp otyr. 2022 jyly oqýshylardan 80-ge jýyq jumys usynylsa, bıyl baıqaýǵa qatysýshylardyń sany eki esege ósip, kelip túsken jumystardyń sany 136-ǵa jetti. Zertteý jumystaryn arnaıy komısıa baǵalady.
Arnaıy komısıa zertteý jumystarynyń mazmuny, ǵylymı tásilderdiń qoldanýy, arhıv qujattary, onyń ishinde otbasylyq fotosýretterdi paıdalaný syndy talaptardy eskere otyryp baǵalaý júrgizdi.
Baıqaý qorytyndysy boıynsha, birinshi oryndy №21 mektep-gımnazıasynyń oqýshysy Japarova Merýert, ekinshi oryndy №200 mektep-gımnazıasynyń oqýshysy Baımahan Aqbota, úshinshi oryndy №43 orta mekteptiń oqýshysy. Júnisqan Ásel ıelendi. Sondaı-aq 49 oqýshy arnaıy nomınasıa jeńimpazy dep tanyldy. Jeńimpazdarǵa dıplomdar men baǵaly syılyqtar tabystaldy.
