Memleket basshysy Qasym-Jomart Toqaev Qazaqstan Respýblıkasy Prezıdenti ákimshiliginiń qurylymyn qaıta qurý týraly Jarlyqqa qol qoıdy, dep habarlaıdy Almaty-akshamy.kz.
Aqordanyń baspasóz qyzmetiniń málimetinshe, osy qujatqa sáıkes Prezıdent ákimshiliginiń jańartylǵan qurylymyna kelesi laýazym ıeleri kiredi:
- Prezıdent ákimshiliginiń basshysy;
- Qaýipsizdik keńesiniń hatshysy;
- Prezıdent keńsesiniń bastyǵy;
- Prezıdenttiń kómekshileri;
- Prezıdenttiń keńesshileri;
- Prezıdent ákimshiliginiń bólimderi.
Jarlyqqa sáıkes:
- ishki saıasat jáne komýnıkasıalar máseleleri boıynsha;
- ekonomıkalyq máseleler boıynsha;
- halyqaralyq máseleler boıynsha;
- quqyqtyq máseleler boıynsha;
- ǵylym jáne ınovasıa máseleleri boıynsha Prezıdenttiń kómekshileri laýazymdary engiziledi.
Prezıdent ákimshiligi basshysynyń orynbasarlary laýazymdary joıylady. Sondaı-aq Prezıdent ákimshiliginiń tórt bólimi qysqardy.