Kıno óndirisine qajetti aparatýralar satyp alynyp jatyr.
QR Premer-mınıstri Asqar Mamın Almaty qalasyna jumys sapary barysynda Sháken Aımanov atyndaǵy «Qazaqfılm» kınostýdıasyna bardy, dep habarlaıdy Almaty-akshamy.kz Baq.kz-ke silteme jasap.
Úkimet basshysyn kınostýdıanyń kórkemdik jetekshisi, Qazaqstannyń Eńbek Eri Asanáli Áshimov jáne «Qazaqfılmniń» prezıdenti Aqan Sataev qarsy aldy.
Kezdesý barysynda Premer-mınıstr elimizdiń basty kınoalańy – «Qazaqfılm» kınostýdıasynyń tynys-tirshiligimen, damý perspektıvalarymen, aldaǵy josparlarymen tanysty.
Ulttyq kıno ónerine zor kóńil bólip, jan-jaqty qoldaý kórsetip jatqanyńyzǵa alǵys aıtamyz. Memlekettiń qoldaýy arqasynda kınostýdıany halyqaralyq deńgeıge shaǵaramyz degen basty maqsatymyzǵa jetemiz dep nyq senemin, - dedi Aqan Sataev.
Sonymen qatar «Qazaqfılmniń» prezıdenti 2021-2023 jyldarǵa josparlanǵan kınostýdıany jańǵyrtý boıynsha jumys josparyna sáıkes júrgizilip jatqanyn aıtty. Onyń aıtýynsha, búgingi kúni kıno óndirisine qajetti aparatýralar satyp alynyp jatyr. Sondaı-aq ol kınostýdıanyń ǵımarattary men qurylystaryn jóndeý jáne ınjenerlik jelilerdi jańartý jobalarymen tanystyrdy.