Almaty ákimi B. Saǵyntaev qala máslıhatyna Almaty metrosynyń beketterin ózgertý týraly usynys engizdi.
Baqytjan Saǵyntaev Facebook-tegi paraqshasynda Qala kúni qarsańynda Máslıhatqa qoǵamda talqylanyp jatqan máselelerdi sheshý týraly usynys engizgenin aıtty, dep habarlaıdy Almaty-akshamy.kz.
«Bul Almaty metropolıteninde salynyp jatqan eki stansanyń ataýyn ózgertýge qatysty», - dep jazdy B. Saǵyntaev.
«Dostyq» stansasyna Baýyrjan Momyshulynyń esimin berý usynylady. Bolashaqta «Zapadnyı» avtovokzaly atalýy tıis stansaǵa «Qarasaı» ataýy usynylmaq.
Dostyq beketi Abaı dańǵyly men Momyshuly kóshesiniń qıylysynda salynyp jatyr. Onyń tehnıkalyq iske qosylýy osy jyldyń sońyna josparlanǵan. «Zapadnyı» avtovokzal beketi Almaty oblysy Qarasaı aýdanynyń shekarasynda salynady.