Búgin Úkimet otyrysynda Premer-Mınıstr Álıhan Smaıylov İshki ister mınıstrligine osyny tapsyrdy, dep habarlaıdy Almaty-akshamy.kz.
«Ajar Ǵınıatqyzy (Densaýlyq saqtaý mınıstri), balalardy barlyq qajet dárigerlik kómekpen qamtamasyz etip, aýrýhanadan shyqqannan keıin de olardyń jaǵdaıyn erekshe baqylaýda ustańyzdar. Ákimdikter ınternattyq, medısınalyq-áleýmettik mekemelerdegi balalardyń qaýipsizdigin baqylaýdy kúsheıtýi qajet», - dep tapsyrdy Á. Smaıylov.
Sonymen qatar Úkimet basshysy Qaraǵandydaǵy oqıǵa boıynsha kinálilerdi anyqtaýdy tapsyrdy.
«İshki ister mınıstrligi bolǵan oqıǵanyń naqty sebepteri men kinálilerdi anyqtaý boıynsha tergeý amaldaryn muqıat júrgizýi tıis», - dedi Premer-Mınıstr.
Buǵan deıin QR Densaýlyq saqtaý mınıstri Ajar Ǵınıat dáriger mamandar balalar toksıkalyq zattan qatty ýlanýy múmkin ekenin aıtty, dep habarlaǵan bolatynbyz.