Premer-mınıstr poezdardyń keshigýi máselesi boıynsha turǵyndardyń ótinishterine QTJ basshylyǵynyń nazaryn aýdardy, dep habarlaıdy aqshamnews.kz
Úkimet otyrysynda Premer-mınıstr Oljas Bektenov jolaýshylar poıyzdarynyń keshigýi týraly máseleni kóterdi. Azamattardyń temirjol kóliginiń ýaqtyly kelmegeni týraly ótinishteri kóbeıgeni baıqalyp otyr.
«Qazaqstan temir joly» UK» AQ basqarma tóraǵasy Nurlan Saýranbaev jaǵdaıdyń erekshe baqylaýda ekenin jáne keshigýlerdiń temirjoldardyń aǵymdaǵy jóndeý jumystaryna baılanysty ekenin atap ótti.
«Bul jaǵdaı joldardy jóndeýmen jáne jolaýshylardyń qaýipsizdigimen baılanysty. Sońǵy 2 jylda jóndeý jumystarynyń kólemin 2-3 esege arttyrdyq. Jolaýshylar aldyndaǵy qolaısyzdyqtar úshin keshirim suraımyz», — dep túsindirdi Nurlan Saýranbaev.
Sondaı-aq, Nurlan Saýranbaev kompanıanyń atqaryp jatqan jumystary týraly baıandap, taýaralar men qyzmetterdegi qazaqstandyq qamtýdyń 85%-dy quraıtynyn, al konteınerlik tranzıttik tasymaldyń turaqty ósýin atap ótti. Sońǵy 3 jylda júk tasymalynyń kólemi 30%-ǵa artty.