Almaty ákimi Qytaı Eksımbankiniń vıse-prezıdentimen ınvestısıalardy talqylady
Almaty ákimi Erbolat Dosaev Qytaıdyń eksporttyq-ımporttyq bankiniń (Eksımbank) vıse-prezıdenti Ian Dýnnın bastaǵan delegasıamen kezdesý ótkizdi. Kezdesýde ınfraqurylymdyq jáne jasyl jobalardy damytý, qarjy naryǵyn keńeıtý, saýda-ekonomıkalyq baılanystardy tereńdetý jáne týrısik yntymaqtastyqty arttyrý máseleleri talqylandy, dep habarlaıdy aqshamnews.kz
Negizgi talqylanǵan jobalar arasynda kólik ınfraqurylymyn jaqsartý (jańa metro jelilerin salý), ekonomıkany ártaraptandyrý úshin jańa ındýstrıalyq jobalardy júzege asyrý, qaldyqtardy qaıta óńdeý zaýytyn salý sekildi jasyl jobalardy iske asyrý jáne týrızmdi damytý bar.
2024 jyl Qytaıdaǵy Qazaqstan týrızmi jyly, al 2025 jyl Qazaqstandaǵy Qytaı týrızmi jyly retinde jarıalanǵany atap ótildi. Bıylǵy jyldyń birinshi jartysynda Almatyǵa Qytaıdan 40 myńnan astam týrıs keldi, bul ótken jyldyń sáıkes kezeńimen salystyrǵanda 68%-ǵa kóp.
Sonymen qatar, Almatynyń sheteldik ınvestısıalardy tartý salasyndaǵy róli talqylandy. Aǵymdaǵy jyldyń alǵashqy jartysynda qala 3,8 mlrd AQSH dollary kóleminde tikeleı sheteldik ınvestısıalar tartty. Almaty men Qytaı arasyndaǵy taýar aınalymy 2024 jyldyń 9 aıynda 5,6 mlrd AQSH dollaryn qurady, bul Qytaı men Qazaqstan arasyndaǵy jalpy taýar aınalymynyń 28,9%-yn quraıdy.
Ian Dýnnın hanym jyly qabyldaǵany úshin alǵysyn bildirip, Eksımbanktiń Almatyny turaqty damytýǵa baǵyttalǵan bastamalardy qoldaýǵa daıyn ekenin atap ótti.
Taraptar ındýstrıalandyrýdy, kólik ınfraqurylymyn, qarjy naryǵyn jáne Almatynyń týrısik áleýetin damytý sheńberinde jemisti yntymaqtastyqty jalǵastyrý nıetin rastady.