Elektrondyq saýda kezinde salyq salý máselelerin talqylaý josparlanyp otyr
Premer-mınıstr Álıhan Smaıylov bastaǵan Qazaqstan Respýblıkasy Úkimetiniń delegasıasy Eýrazıalyq úkimetaralyq keńestiń kezekti otyrysyna qatysý úshin Mınsk qalasyna keldi, dep habarlaıdy Almaty-akshamy.kz Úkimettiń resmı saıtyna silteme jasap.
Sharaǵa Armenıanyń Úkimet basshysy Nıkol Pashınán, Belarýs Úkimetiniń basshysy Roman Golovchenko, Qyrǵyzstannyń Úkimet basshysy Akylbek Japarov, Reseıdiń Úkimet basshysy Mıhaıl Mıshýstın, Eýrazıalyq ekonomıkalyq komısıa alqasynyń tóraǵasy Mıhaıl Másnıkovıch jáne t.b. qatysady.
Shaǵyn jáne keńeıtilgen quramda ótetin keńes otyrystarynda Eýrazıalyq ekonomıkalyq odaqtyń biriktirilgen aqparattyq júıesin damytý, taýarlardy tańbalaýdy júrgizý, alkogól naryǵyn retteý jáne elektrondyq saýda kezinde salyq salý máselelerin talqylaý josparlanyp otyr.
Budan bólek, otyrysqa qatysýshylar «Shyǵys-Batys» jáne «Soltústik-Ońtústik» baǵyttarynda, onyń ishinde Qytaıdyń «Bir beldeý, bir jol» bastamasy aıasynda EAEO-nyń kólik ınfraqurylymyn damytýdy, ónerkásiptiń joǵary tehnologıalyq salalaryndaǵy kooperasıany, tutynýshylardyń quqyqtaryn qorǵaý salasyndaǵy birlesken is-qımyl baǵdarlamasyn, transshekaralyq naryqtardaǵy básekelestiktiń jaı-kúıin jáne basqa da birqatar máseleni talqylaıdy.
Otyrys qorytyndysy boıynsha qabyldanǵan sheshimderdi bekitetin kóp jaqty qujattarǵa qol qoıylmaq.