Vltava boıyndaǵy «Praga» kemesinde Qazaqstan Respýblıkasy Táýelsizdiginiń 30 jyldyǵyna arnalǵan serýen uıymdastyryldy.
Qazaqstan Respýblıkasynyń Chehıadaǵy Elshiliginiń jáne «Qazaqstannyń Dostar Klýbynyń» birlesýimen Vltava boıyndaǵy «Praga» kemesinde Qazaqstan Respýblıkasy Táýelsizdiginiń 30 jyldyǵyna arnalǵan serýen uıymdastyryldy, dep habarlaıdy Almaty-akshamy.kz QazAqparat-qa silteme jasap.
Elshiliktiń baspasóz qyzmetiniń málimetinshe, shaqyrylǵan qonaqtardyń arasynda árister, Cheh Respýblıkasynyń BAQ ókilderi jáne qazaq stýdentteri bar. Qazaqstandyq dıplomattar óz sózderinde qonaqtarǵa elimizdiń Táýelsizdik jyldaryndaǵy saıası jáne áleýmettik-ekonomıkalyq damýynyń negizgi jetistikteri týraly, sondaı-aq azamattardyń memleketke degen senimin arttyrýǵa baǵyttalǵan reformalar týraly egjeı-tegjeıli aıtyp berdi.
Kemeniń arnaıy merekelik bezendirilgen palýbasynda qonaqtardy ulttyq kıim kıgen qazaqstandyq stýdentter qarsy aldy. İs-sharany uıymdastyrýshylar Qazaqstannyń Táýelsizdik jyldaryndaǵy jetistikterine arnalǵan túrli-tústi bezendirilgen ekspozısıalardy jáne sonymen baılanysty shaǵyn kórmeni usyndy. Elimizdiń stýdentteri ulttyq áýenderdi dombyrada oryndap, mýzykalyq konsert uıymdastyrdy.