Polısıa qyzmetkerleri qara naryqtaǵy quny 25 mln teńge bolatyn eskirtkini tárkiledi, dep habarlaıdy Almaty-akshamy.kz.
«Ótken aptada Jambyl oblysynyń Aısha Bıbi tasjolynda patrúldik ınspektorlar «VMW H5» kóliginiń salonynan 8 qap marıhýana tapty. Qaptardyń jalpy salmaǵy 200 keli ekeni anyqtaldy. Astanalyq saqshylar da marıhýananyń iri partıasyn tárkiledi. Mıchýrın kentindegi jeke turǵyn úıdiń kómir qorasynan salmaǵy 42 keli bolatyn 4 qap marıhýana tabyldy. Úı ıesi bul esirtkige óziniń qatysy joq ekenin aıtyp aqtaldy. Biraq ózin tintý kezinde gashısh tabyldy. Iisshil ıtterdiń kómegimen úıdiń ishinen satýǵa dep daıyndaǵan 35 oram gashısh tárkilendi. Búkil tárkilengen esirtkiniń mólsheri 8500 dozaǵa teń. Onyń qara naryqtaǵy baǵasy 25 mln teńgedeı bolady»», - dedi İshki ister mınıstrliginiń ókili Shuǵyla Turlybek.
Sondaı-aq, Jambyl oblysynyń polıseıleri Shý aýdanynyń bir turǵynynan 160 keli esirtki tárkilegen. Onyń úıiniń shatyrynan 8 qap marıhýana tabylǵan.
Al Mańǵystaý oblysynyń polısıa qyzmetkerleri Aqtaý qalasynyń turǵynynan mefedron sıntetıkalyq esirtkisin tárkilegen. Onyń telefonynda esirtki oramdary jasyrylǵan oryndardyń geolokasıasy shyqqan.
«Qazir ustalǵan kúdiktiniń ústinen sotqa deıingi tergeý júrip jatyr. Bul iske qatysy bar degen kúdikpen birneshe adam ustaldy», - dedi İM ókili.