Shymkent qalasynda keıbir sheneýnikter «7-20-25» turǵyn úı baǵdarlamasy boıynsha baspana alǵan. Bul týraly Qurylys jáne turǵyn úı komýnaldyq sharýashylyq isteri komıtetiniń tóraǵasy Almas Ydyrysov málim etti, dep habarlaıdy Almaty-akshamy.kz QazAqparatqa silteme jasap.
Ortalyq komýnıkasıalar qyzmeti alańynda ótken baspasóz máslıhatynda «7-20-25» turǵyn úı baǵdarlamasyna ótinim qabyldaý bastalǵan kezde, júıedegi aqaýdan qazaqstandyqtar ótinimdi ýaqytyly bere almady. Al osy sátte keıbir shymkenttik sheneýnikterdiń ótinimi kedergisiz qabyldandy. Bul qalaı bolǵany?» - degen saýal qoıdy tilshi.
Atalǵan saýalǵa Qurylys jáne turǵyn úı komýnaldyq sharýashylyq isteri komıtetiniń tóraǵasy Almas Ydyrysov jaýap berdi.
«Búginde atalǵan faktige qatysty Indýstrıa jáne ınfraqurylymdyq damý mınıstrligi Shymkent qalasynyń ákimdigine saýal joldady. Jaǵdaıdy túsindirýin talap etemiz. Osy tusta aıtarymyz, memlekettik turǵyn úı baǵdarlamasy onyń bekitilgen erejesine saı iske asýy tıis. Shymkent qalasy ákimdiginiń belgili bir memlekettik qyzmetkerler arasynda turǵyn úı baıqaýyn ótkizip, «7-20-25» turǵyn úı baǵdarlamasy aıasynda baspana bergeni baǵdarlama erejesin buzyp otyr degen sóz», - dedi ol.
Onyń aıtýynsha, qazirgi ýaqytta atalǵan aımaq ákimdigine sheshimdi qaıta qaraý usynyldy.
«Sonymen qatar, turǵyn úı baǵdarlamasy erejesin buzǵany úshin, kinálilerdi jaýapqa tartý kerektigi aıtyldy. Atalǵan másele bizdiń baqylaýymyzda. Tekserý nátıjesinde mınıstrlik tarapynan qabyldanǵan sheshim týraly qosymsha habarlanatyn bolady», - dedi ol.