Aqmola oblystyq polısıa departamentiniń málimetinshe, jol-kólik oqıǵasy 18 tamyzda túngi saǵat 03:00 shamasynda bolǵan.
«Atbasar qalasynda jaıaý adamdy kólik qaǵyp, ol alǵan dene jaraqatynan kóz jumdy. Jol apatyna qatysy bar júrgizýshi ustalyp, ýaqytsha ustaý ızolátoryna qamaldy», - delingen habarlamada.
Áleýmettik jelide kúdiktiniń polısıa qyzmetkeri ekeni týraly aqparat tarady. Polısıa departamenti júrgizýshiniń polısıa qyzmetkeri ekenin rastady.
«Qazir ol teris sebeptermen ishki ister organdarynan jumystan shyǵaryldy. Barlyq qajet saraptamalar taǵaıyndaldy. Tergeý barysy Aqmola oblysy PD basshylyǵynyń jeke baqylaýynda», - delingen habarlamada.