Polısıa organdarynda kadrlardyń turaqtaý kórsetkishi 42%-ǵa jetti, dep habarlaıdy Almaty-akshamy.kz.
Bul týraly QazAqparat tilshisiniń saýalyna jaýap bergen İshki ister mınıstri Marat Ahmetjanov málim etti.
«Kadr tapshylyǵy máselesin sheshý - «Qoǵammen áriptestikte qoǵamdyq qaýipsizdikti qamtamasyz etý» tujyrymdamasynyń bir baǵyty. Bul rette biz jumysty ózimizden (mınıstrlik – avtor túsindirmesi) bastadyq. Polısıa organdaryna qatysty qabyldanǵan is-sharalardyń arqasynda 42%-ǵa kadr aýyspalylyǵy toqtady. Polısıaǵa kelemin degen adamdar qatary 4 ese artty. Buǵan Prezıdenttiń tikeleı tapsyrmasy áser etti. Atap aıtqanda, qyzmetkerlerdiń alatyn aılyǵyn ósirý jáne basqa da kótermeleý sharalary qabyldandy», - dep jaýap berdi vedomstvo basshysy tilshi saýalyna oraı.
Qosa ketsek, buǵan deıin Ashyq NQA portalynda jarıalanǵan atalǵan tujyrymdamada kadr tapshylyǵy máselesi ózekti baǵyttardyń biri retinde kórsetilgen. Sonymen qatar, polısıa qyzmetkerleriniń jalaqysy óskenimen, ol ınflásıa áserinen sezilmeı otyrǵany da aıtylǵan.