İİM Almaty akademıasynda ıdeologıa jáne ımıj boıynsha oqý-ádistemelik jıyn ótti
Sharaǵa 40-qa jýyq memlekettik organdardyń ókilderi, QR İİM M.Esbolatov atyndaǵy Almaty akademıasynyń joǵary akademıalyq kýrstardyń tyńdaýshylary, Almaty qalasynyń polısıa departamentiniń ókilderi, úkimettik emes uıymdardyń ókilderi qatysty.
Trenıń barysynda polısıa men qoǵamnyń ózara árekettesýi, onyń ártúrli elderde qoldaný tájirıbesi, polısıa qyzmet etý ádisterin engizýdiń negizgi baǵyttary, Qazaqstandyqtardyń narazylyq aksıalaryna qatysý jáne qatyspaý sebepteri, SARA ádistemesi jáne kúrdeli máselelerge baǵyttalǵan kózqaras, polısıa jumysynyń jáne halyqtyń ishki ister organdaryna senimi jáne basqa da máseleler talqylandy, dep habarlaıdy Almaty-akshamy.kz Polisia.kz-ke silteme jasap.
Sýret: Polisia.kz
«2019 jyly biz beıbit jınalys kezinde halyqpen syndarly dıalog quraly retinde “Polısıa dıalogyn júzege asyrý” atty birinshi semınar-trenıng ótkizdik. Onda tar tyssyz quqyq tártibin qamtamasyz etý jáne shıelenisti azaıtýdyń túrli ádisteri qarastyryldy. Sońǵy jyldardyń tájirıbesi ishki ister organdarynyń ókilderin qoǵammen dıalog qurý jáne jappaı tártipsizdikter kezinde halyqpen ózara árekettesý boıynsha qosymsha oqytý qajettigin kórsetti. Úsh kún boıy biz 40-qa jýyq memlekettik organdardyń ókilderin, QR İİM M.Esbolatov atyndaǵy Almaty akademıasynyń joǵary akademıalyq kýrstardyń tyńdaýshylaryn, úkimettik emes uıymdardyń ókilderin oqyttyq», – dedi “Adam quqyqtary úshin hartıasy” QQ atqarýshy dırektory Týrmagambetova Jemıs Ýtegenovna.
“Adam quqyqtary úshin hartıasy” QQ trenıńti Qazaqstan Respýblıkasy ishki ister mınıstrligi men jáne Qazaqstan Respýblıkasy ishki ister mınıstrliginiń Almaty akademıasymen birlese ótkizdi. Trenıń Almaty qalasy ákimdiginiń qarjylyq qoldaýymen ótkizildi.