Osy aptada elimizde «mektep bitirý keshteri» ótedi
Polısıa mektep bitirýshi túlekterge jáne olardyń ata-analaryna úndeý jasady, dep habarlaıdy Polisia.kz.
Byltyrǵy jyldary túlekterdiń katysýymen ár túrli quqyq buzýshylyqtar oryn alǵan. İs-sharalar ótkiziletin oryndarda quqyqtyq tártipti tıisinshe qamtamasyz etý úshin árbir oqý ornyna polısıa qyzmetkerleri jáne basshy quram qatarynan jaýaptylar bekitildi. Qoǵamdyq tártipti jáne jol qaýipsizdigin qorǵaýdy qamtamasyz etý maqsatynda polısıanyń patrúldik narádtary kesh ótkiziletin oryndarǵa barynsha jaqyn ornalastyryldy, sondaı-aq jedel basqarý ortalyqtarynyń beınebaqylaý kameralary iske qosyldy.
Jalpy atalǵan is-sharalarǵa 7 myńnan astam polısıa qyzmetkeri jumyldyryldy.
– Ata-analardan jáne túlekterdiń ózderinen qoǵamdyq tártipti buzbaýdy, jol júrisi qaǵıdalaryn saqtaýdy, sý qoımasynda qaýipsizdik sharalaryn qabyldaýdy ótinemiz. Tárbıeshiler, ata-analar jáne kámeletke tolmaǵandardyń basqa da zańdy ókilderi is-shara aıaqtalǵanǵa deıin túlekterge turaqty baqylaýdy qamtamasyz etýi kerek. Qurmetti túlekter men olardyń ata-analary, bul mereke siz úshin tek jaǵymdy jaǵynan este qalýy kerek. Ózińizdi jáne jaqyndaryńyzdy saqtańyz, – dedi İİM ÁPK basqarma bastyǵy Áset Ospanov.