Ulytaý oblysynda Jańaarqa turǵyny úıiniń aýlasynda jertóle qazyp jatqanda, júz jyl buryn jasalǵan tapanshany taýyp aldy, dep habarlaıdy almaty-akshamy.kz 24 kz silteme jasap.
Uzaq ýaqyt boıy topyraq astynda qalǵan qarýdy tot basqan. Syrtyn oraǵan gazet qıyndylary da shirip ketken. Krımınalıser qarýdyń NAMBÝ tapanshasy ekenin anyqtady. 1945 jylǵa deıin shyǵarylǵan qarý japon ımperatorynyń armıasyna tıesili bolǵan. 1937 jyly Japon-Qytaı soǵysynda qoldanylǵan.
- Buryn bul úıdiń ornynda eski úı bolǵan. Bizden buryn. 2015 jyly buzyp, qaıta úı saldyq. Sol eski úıdiń ornynan salaıyn dep jatqan as úıdiń jertólesin qazyp jatyp 1 metr jerden taptym, - deıdi Jańaarqa aýdanynyń turǵyny Ersin Tájmaǵanbetov.
- Qazir jádiger balıstıkalyq zertteýde. Balıstıkalyq zertteýden keıin bunyń syrtqy kelbetin qalpyna keltiremiz. Iaǵnı, korozıa bolǵan zarttaryn bárin tazalap, keıinnen tarıhı jádiger bolǵandyqtan oblystyq mýzeıge tapsyrýǵa ruqsat alamyz, - dedi oblystyq PD Jedel krımınalısıkalyq basqarmasynyń bastyǵy Baýyrjan Qalybekov.