Nóldik tózimdilik – usaq quqyq buzýshylyqtarǵa teris reaksıa.
Mysaly, bul turmystyq zorlyq-zombylyq, usaq buzaqylyq, tynyshtyqty buzý, qoǵamdyq oryndarda alkogól ishý, tipti qoqystardy tastaý bolýy múmkin.
İİM atap ótkendeı, negizgi ákimshilik quqyq buzýshylyqtardyń aldyn alý boıynsha jumystyń tıimdiligin tekserý maqsatynda taldaý júrgizildi. Vedomstvonyń málimetinshe, taldaý qaǵıdaty synǵan terezeler teorıasyna uqsas – polısıa bul buzýshylyqtardy neǵurlym belsendi anyqtasa, qoǵam soǵurlym tártipti bolady, dep habarlaıdy Almaty-akshamy.kz Polisia.kz-ke silteme jasap.
Al tártipsizdik neǵurlym az bolsa, tártipti buzýǵa degen umtylys soǵurlym az bolady. Bul qaǵıda kún saıyn jasalatyn quqyq buzýshylyqtardy anyqtaýǵa arnalǵan. Mysaly, ótken jyldyń basynan bastap búkil el boıynsha, ásirese Astana, Almaty jáne Qaraǵandy oblystarynda quqyq buzýshylyqtardy anyqtaý jáne jolyn kesý boıynsha polısıanyń jumys belsendiliginiń artýy baıqalady.
Usaq buzaqylyq, tynyshtyqty buzý, ruqsat etilmegen oryndarda temeki shegý jáne abattandyrý erejelerin buzý boıynsha faktilerdiń tirkelýi kóbeıdi. Al qoǵamdyq oryndarda alkogóldi ishý jáne qoqysty shyǵarý faktileri azaıdy. Ótken jyldyń 11 aıynda “nóldik tózimdilik” aıasynda 614 myń ákimshilik quqyq buzýshylyq anyqtaldy, onyń ishinde 16 myń usaq buzaqylyq faktisi, 87 myńy – tynyshtyqty buzý, qoǵamdyq oryndarda alkogól ishý – 170 myń, temeki shegýge tyıym salýdy buzý – 16 myń, abattandyrý erejesin buzý – 203 myń, qoqys tastaý – 119 myń. Kez kelgen quqyq buzýshylyqqa tózbeýshilik – qoǵamdyq qaýipsizdikti nyǵaıtýǵa baǵyttalǵan mańyzdy qadam.
Osyǵan baılanysty polıseıler qazaqstandyqtardy ózderiniń azamattyq ustanymdaryn kórsetýge, zańdy buzbaýǵa, sondaı-aq kez kelgen quqyq buzýshylyqty baıqap qalsa, bul týraly “102”-ge habarlaýǵa shaqyrady.
Aqparat kózi Polisia.kz saıtynda: https://polisia.kz/politsejler-noldik-tozimdilik-qaghidaty-turaly-eske-salady/