Áleýmettik jelide Jambyl oblysynda aýa raıynyń qolaısyzdyǵynan poıyz apatqa ushyrap, 380 adam qaza tapqany týraly aqparat tarady, - dep habarlaıdy almaty-akshamy.kz.
"Otar men Shýdyń ortasynda buryn sońdy bolmaǵan qar jaýyp poezd avarıa bolyp 300-den astam adam ólgen sodan habarlap jiberip jatyr tanıtyn adam bolama dep", - delingen áleýmettik jelide taraǵan aqparatta. (Hattyń stıli men orfografıasy saqtaldy)
Aqparat taratýshylar munymen qoımaı, 380 adamnyń aty-jóni jazyp, taratqan.
Massaget.kz tilshisi "Qazaqstan temir joly" AQ baspasóz qyzmetinen bul aqparattyń ras-ótirigin surady. Kompanıa ókili munyń jalǵan ekenin aıtyp, jelide taraǵan habarlamany joqqa shyǵardy.
"Áleýmettik jelide Otar-SHý ýchaskesinde poıyzdyń relsten shyǵyp ketkeni týraly jalǵan aqparat qyzý tarap jatyr. QTJ jelisinde poıyzdar qozǵalysy qaýipsizdigin buzý nemese adamdardyń jaraqattanǵany týraly derek tirkelgen joq. Kópe-kórineý jalǵan aqparat taratqany úshin qylmystyq jaýapkershilik qarastyrylǵanyn eske salamyz", - dedi kompanıa.