Kezdesý barysynda Qazaqstan men Amerıka Qurama Shtattary arasyndaǵy ekijaqty qatynastardy damytýǵa, sondaı-aq jahandyq jáne óńirlik qaýipsizdikke qatysty ózekti máseleler qarastyryldy, dep habarlaıdy almaty-akshamy.kz.
Prezıdent Qasym-Jomart Toqaevtyń aıtýynsha, eki el qaýipsizdik, ornyqty damý, klımat problemasy, gýmanıtarlyq baılanys jáne basqa da kóptegen sala boıynsha yntymaqtastyq ornatqan.
Memleket basshysy ekonomıkalyq yqpaldastyqty ekijaqty qatynastardyń negizgi tiregi retinde atap ótip, saýda-ekonomıkalyq jáne ınvestısıalyq yntymaqtastyqty keńeıtý, sonyń ishinde Investısıa tartý jónindegi keńes qyzmeti aıasynda nyǵaıtý qajet ekenin aıtty.
Sonymen qatar kezdesýde saýda, kólik, logıstıka, «jasyl» energetıka, ekologıa, taý-ken óndirý ónerkásibi salalaryndaǵy baılanystardy arttyrý múmkindikteri talqylandy.