Sapasy jaqsy degen plasık ydystyń óziniń de tozatyn ýaqyty bar. Ydystyń ishki jaǵynda maıda syzyqtar paıda bolady, formasy ózgeredi. Al ol ydystar ýaqyt óte jaǵymsyz ıis shyǵara bastaıdy. Onyń negizgi sebebi – ydysqa túsken syzat bolýy múmkin, dep habarlaıdy aqshamnews.kz Ernur.kz-ke silteme jasap.
Ol ydysty jıi paıdalanǵannan, ystyq áserinen túsedi. Osyndaı ydystardan jaǵymsyz ıistiń ketýi qıyndaıdy. Iisi ketpegen ydysty tastaýǵa asyqpańyz. Tómendegi tásilder arqyly jaǵymsyz ıisti ketirip, ydysyńyzdy uzaǵyraq paıdalanyńyz.
Kofe
Kofe jaǵymsyz ıisti jaqsy ketiredi. Ol úshin untaqtalǵan nemese qaınatylǵan kofe qaldyǵymen ıisi shyqqan ydys ishin ysqylap súrtip shyǵý kerek. Keıin muzdatqyshqa salyp qoıyńyz. Bir táýlikten soń shyǵaryp, jýyp -shaıyp alyńyz. Eshqandaı ıis qalmaıdy.
As sodasy
Bul óte únemdi jáne tıimdiligi synaqtan ótken nusqalardyń biri. As sodasyn 1:2 mólsherde sýmen aralastyryp bylamyq jasap alamyz. Osy bylamyqpen ydystyń ishin súrtip, qaqpaǵyn jabamyz. Osy kúıi túnge qaldyryp, erteńine shaıyp, tazartyp alamyz.
Sirkesý
Sirkesýy qyshqyly plasık ydystaǵy ıisti tolyq joıyp jibere alady. Ol úshin sirkesýy qyshqylyn bólme temperatýrasyndaǵy sýmen 4/1 mólsherde aralastyryp, ydysqa quıyp qoıamyz. Tıimdiligi arta túsý úshin ydys jýatyn suıyqtyqtan 2-3 tamshy qosýǵa bolady. 3 saǵattan keıin tazartyp alamyz.
Gazet
Bul jerde bári qarapaıym. Ol úshin bar bolǵany gazetti jyrtyp, myjyp ydysqa toltyra salý kerek. Qaqpaǵyn jaýyp, 5-6 saǵatqa qaldyramyz. Gazet ydys ishindegi ıis pen ylǵaldy ózine tolyq tartyp alady. Bul qurǵaq tazartýǵa jatady. Munyń ornyna aǵash kúlin qoldansa da bolady.
Lımon
Lımon jemisi ydystaǵy ıisti ǵana emes, sondaı-aq turyp qalǵan maı men kirdi de jaqsy ketiredi. Ol úshin lımonnyń jartysymen ydys ishin ysqylap súrtip qoıamyz. Kúni boıyna betin jaýyp qaldyryp, keıin shaıyp alamyz.
Vanılın
Pisirmelerge qosatyn ádemi ıisi bar dámdeýish ydystaǵy ıisti joıyp jiberedi. Ol úshin ıisi shyqqan ydysty jyly sýǵa toltyryp, shaı qasyqpen vanılın salamyz. Betin jaýyp 4-5 saǵattan keıin jýyp, tazartyp alý qajet.
Hlorly aǵartqysh
Bul tásildi qatty qajet bolmasa, jıi jasaý usynylmaıdy. Hlor tek zalalsyzdandyrmaıdy, sonymen birge jınalyp qalǵan kirdi de jaqsy ketiredi. Aǵartqysh pen sýdy 1:1 mólsherde aralastyryp, ıisi bar ydysqa quıyp 3,5 saǵatqa qaldyramyz. Keıinnen birneshe márte qaıtara sýmen shaıyp tazartamyz. Hlorly aǵartqyshtyqy túrli-tústi plasık ydystarǵa qoldanýǵa bolmaıdy.
Sapasy jaqsy degen plasık ydystyń óziniń de tozatyn ýaqyty bar. Ydystyń ishki jaǵynda maıda syzyqtar paıda bolady, formasy ózgeredi. Sondyqtan mundaı ydysty jıi aýystyryp turý kerek nemese shyny, emaldy ydystarmen aralastyryp ustaǵan durys. Kerek keńes, qajetterińizge jarasyn!