Elimizdiń Densaýlyq saqtaý mınıstri Alekseı Soı Pfizer vaksınasynyń baǵasy týraly túsinikteme berdi, dep habarlaıdy almaty-akshamy.kz
«Baǵa tek Pfizer vaksınasyna qatysty, al qalǵan vaksınalardy azamattar tegin ala alady. Atalǵan ekpeni komersıalyq kompanıa satyp alyp, ishki naryqta usynady. Ádette shara osylaı júzege asady. Mysaly, tumaýǵa qarsy ekpeni memlekettik medısınalyq uıymdardan da, jeke medısınalyq uıymnan da alýǵa bolady. Bul da sol sekildi. Jalpy vaksınany jetkizý men ony saqtaý úlken jaýapkershilikti talap etedi jáne ońaı sharýa emes. Jiti baqylaý qajet. Pfizer vaksınasynyń baǵasyna kelsek, basqa eldermen salystyrǵanda joǵary bolmaıdy, qoljetimdi baǵa bolady», - dedi A. Soı Úkimet úıinde tilshilerdiń suraǵyna jaýap bere tura.
Buǵan deıin mınıstr elimizde Pfizer vaksınasyn alyp jatqan júkti áıelder, emizýli analar men jasóspirimderdiń jaǵdaıy týraly aıtyp bergen edi.