Atyń ańyzǵa aınalǵan fýtbolshynyń júregi denesimen birge jerlenbegen
Osydan bir jyl buryn aty ańyzǵa aınalǵan fýtbolshy jáne jattyqtyrýshy Dıego Armando Maradona qaıtys boldy, dep habarlaıdy Almaty-akshamy.kz
Sportshy sozylmaly júrek jetkiliksizdigimen aýyrǵan. «Óte ókinishti, biraq Dıego zıandy zattarǵa táýeldi boldy. Onyń jaǵdaıynda basqa adamdar erterek qaıtys bolar edi», - dedi dáriger jáne jazýshy Nelson Kastro.
Jáne de Kastro fýtbolshynyń denesi júreksiz jerlengenin aıtty.
«Hımnasıa La Plata klýbynyń radıkaldy fýtbol jankúıerleri (Maradonanyń sońǵy komandasy) Dıego jerlegennen keıin onyń júregin almaq boldy. Osy týraly belgili bolǵan soń aldyn ala fýtbolshynyń júregin dárigerler alyp qaldy. Bir jaǵynan mamandar ólimniń sebebin anyqtaǵysy keldi», - dedi ol.
Áıgili fýtbolshynyń júregi basqa adamdardyń júrekterine uqsamaǵan.
«Onyń salmaǵy 500 gram, bul óte kóp, ádette júrektiń salmaǵy 300 gram», – dedi Kastro El Trece-ge bergen suhbatynda.