Apat kezinde habar-osharsyz ketken jumysshy áıeldi izdeý jumystary búgin tańǵy saǵat 8.00-de qaıta bastaldy
Soltústik Qazaqstan oblysynyń prokýratýrasy «2-Jylý-elektr ortalyǵy» JSHS dırektory men bas ınjeneriniń ýaqytsha ustaý ızolátoryna qamalǵanyn málimdedi, dep habarlaıdy Almaty-akshamy.kz.
SQO prokýratýrasynyń málimetinshe, qazirgi ýaqytta QR Qylmystyq Kodeksiniń 254-baby «Mindetterine adal qaramaý» boıynsha qylmystyq is tergelip jatyr.
21 naýryzda SQO polısıasy «2-JEO» JSHS dırektory men bas ınjenerin ustap, Petropavl qalasy polısıa basqarmasynyń ýaqytsha ustaý ızolátoryna qamady.
«Sotqa deıingi tergep-tekserý aıasynda osy is boıynsha barlyq mán-jaılardy anyqtaýǵa baǵyttalǵan tergeý áreketteri júrgiziledi. Tergeý barysyn oblys prokýrory men PD bastyǵy baqylaýǵa aldy. Sonymen birge oblys prokýratýrasy baqylaýshy organdardyń qyzmetine taldaý júrgizedi, onyń nátıjeleri boıynsha jaýapty laýazymdy tulǵalardyń is-áreketterine baǵa beriledi», - delingen habarlamada.
Apat kezinde habar-osharsyz ketken jumysshy áıeldi izdeý jumystary búgin tańǵy saǵat 8.00-de qaıta bastaldy. Ázirge nátıje joq.
Eske sala keteıik, Petropavlda jylý elektr ortalyǵynyń bir murjasy qulady.
Ortalyqtaǵy apatqa baılanysta qylmystyq is qozǵaldy.
Jumysshylardyń bireýi tabylmaı jatyr.
JEO-daǵy tútin murjasynyń jartylaı qulaýyna baılanysty oblys ákimi jedel shtab qurdy.
Osy oqıǵa boıynsha Prezıdent oblys ortalyǵy men basqa da eldi mekenderdiń turǵyndaryn tez arada jylýmen qamtamasyz etýdi tapsyrdy.