Tender ótti dep tanyldy
Petropavl áýejaıy tórtinshi ret satyp alý quqyǵymen senimgerlik basqarýǵa berildi, dep habarlaıdy Almaty-akshamy.kz QazAqparat-qa silteme jasap. Tender ótti dep tanyldy. Petropavl áýejaıynyń múlki bes jyl merzimge 2,8 mlrd teńgege senimgerlik basqarýǵa berildi. Saýda-sattyqtyń jalǵyz qatysýshysyna satýǵa ruqsat etildi. Senimger basqarýshy qyzmet beıinin shart jasasqan kúnnen bastap 10 jyl merzimge saqtaýǵa, órt qaýipsizdigi men qaýipsizdik tehnıkasynyń normalary men talaptarynyń, kúzetke, terorızmge qarsy qorǵaý júıesine qoıylatyn talaptardyń saqtalýyn, áýejaı aýmaǵyn órtke qarsy quraldarmen jaraqtandyrýdy, bilikti mamandardyń bolýyn qamtamasyz etýge, obektini tek nysanaly maqsaty boıynsha paıdalanýǵa, ony taldaýǵa jáne joıýǵa jol bermeýge tıis. Alǵash ret áýejaı múlki naýryz aıynda satylymǵa shyǵaryldy. Osy ýaqyt ishinde onyń quny 2,8 jáne 5,6 mlrd teńge aralyǵynda qubyldy. Jolaýshylar kóligi jáne avtomobıl joldary basqarmasy áýejaı senimgerlik basqarýǵa berý rásimi kezinde shtattyq rejımde jumys isteıtinin atap ótti.